دیوانی چاودێری دارایی داوا لە سەرۆكایەتی ئەنجومەنی وەزیران ده‌كات لە پێناو ئاسان كردن و هاریكاری پرۆسەی چاودێری و سەرخستنی پشتگیری تەواوی لێبكات و لەچەند خاڵێكدا داواكارییەكانی بۆ روون كردوونەتەوە و لە هەمان كاتیشدا داوا دەكات كە لەسەرجەم وەزارەت و دام و دەگاكانی حكومەتی هەرێمی كوردستاندا گشتاندنیان بۆ بكەن و هەموو لایەكی بە فەرمی لێ ئاگادار بكەنەوە:

1. كار بە سیستەمی بانكی بكرێت لە گشت مامەڵەكانی دارایی لە خەرجی و وەرگرتنی داهات تاكو لە ئایندە بگاتە ئەو رادەیە كە گشت خەرجی و داهات بەشێوەی (صك) یاخود ( بطاقة الصراف الالی  Debit card) بێت بۆ هەر گۆژمەیەكی كەمیش ئەوەش پێویستە هەولی تەواوی بۆ بدرێت بۆ پەرەپێدانێكی گشتی لە ئاستی خزمەتگوزاری سیستەمی بانكی  ئێستامان.
2. هەبوونی پەیڕەوی ناوخۆ لە گشت وەزارەت و بەرێوەبەرایەتی گشتییەكان و دەزگاكان  و دیاری كردنی كار و ئەركەكانی هەر پێكهاتەیەك و هەروەها دیاری كردنی مەرجی توانای پسپوڕی و ئەزمونی فەرمانبەران كە ئەوەش كاریگەری هەیە لە سەر رێكار ( اجرا‌ءات ) و قەبارەی پێكهاتەكان بەوەش خەرجییەكانی ناپێویست كەم دەكرێتەوە.
3. گرنگیدان بە بەڕێوەبەرایەتی وردبینی ناوخۆ (التدقیق) لە دام ودەزگا حكومییەكان وجەخت كردنەوە لە سەر  جیا كردنەوەی لە بەرێوەبەرایەتی ژمێریاری و بەستنەوەی راستەوخۆ بە سەرۆكی یەكەمی فەرمانگە  و هەول بدرێت بۆ دانانی كەسانی پسپۆر و شارەزا لەم بوارە .