17/1/2015 مامۆستا خالید هادی چاوشلی سەرۆكی دیوانی چاودێری دارایی هەرێمی كوردستان لە دیوان سەرۆكایەتی چاودێری دارایی و بە ئامادەبوونی بەڕێوەبەرە گشتییەكان پێشوازی كرد لە دكتۆر ئەرسەلان باییز سەرۆكی پێشووی پەرلەمانی كوردستان و ئەندامی مەكتەبی سیاسی یەكێتی نیشتیمانی كوردستان.
لە دانیشتنێكدا وێڕای پیرۆزبایی لێكردنی لە پۆستی سەرۆكایەتی دیوانی چاودێری دارایی هیوای سەركەوتنی بەردەوامی بۆ خۆی و دیوانی چاودێری دارایی خواست و پاشان تیشك خرایە سەر ئەو پێشكەوتنەی كە لە رووی ئیدارییەوە لە هەرێمی كوردستاندا هاتۆتە كایەوە.
لە لایەن خۆشیەوە سەرۆكی دیوانی چاودێری جەختی لە بێلایەنی لە ئیش و كارەكانی دیوان و هەوڵ و ماندووبوونی بەردەوام كردەوە و وتی: دەبێ هەموو لایەك هاوكاربین بۆ سەرخستنی ئامانجەكانی دیوانی چاودێریی دارایی و چاوپۆشی لە هیچ كەموكوڕیەك نەكەین و دەبێ هەوڵی جدی بدرێت بۆ رێكخستنی زیاتری سیستەمی كارگێڕی لە هەرێمی كوردستاندا. شایانی باسە هەردوولا ئاماژەیان بەو پێشكەوتنە بەرچاوانەدا كە لە هەرێمی كوردستاندا هاتوونەتە كایەوە.