له دانیشتنه‌كه‌دا پارێزگاری هه‌ولێر ئاماده‌یی ته‌واوی پارێزگای هه‌ولێری ده‌ربڕی بۆ هه‌ماهه‌نگی و هاوكاری دیوانی چاودێری دارایی له پێناو جێبه‌جێكردن و سه‌رخستنی ئیش و كار و به‌رنامه‌كانی دیوانی چاودێری دارایی.
هه‌ر له درێژه‌ی قسه‌كانیدا پارێزگاری هه‌ولێر هیوای خواست ساڵی ئاینده‌دا پلانی دیوانی چاودێری و وردبینییه‌كان فراوانتر بكرێن و هه‌ندێك شار و شارۆچكه‌ی تر بگرێته‌وه كه تا ئێستا له پلانی دیواندا نه‌بوون.
له لای خۆشیه‌وه مامۆستا خالید سه‌رۆكی دیوان له‌گه‌ڵ پارێزگاری هه‌ولێردا هاوراو هاوهه‌ڵوێست بوو و وتی: ئێمه وه‌ك دیوانی چاودێری دارایی بیرمان له‌م بابه‌ته كردۆته‌وه، به‌ڵام ئه‌م پرسه په‌یوه‌سته به هه‌بوونی بودجه‌ی زیاتر تاكو بتوانین بازنه‌ی كار و چالاكییه‌كانی دیوانی چاودێری دارایی فراوانتر بكه‌ین و هیچ شار و شارۆچكه‌یه‌ك نه‌مێنێت له هه‌رێمی كوردستاندا كه له ژێر چاودێری دیوانه‌وه نه‌بێت.