لە ڕێکەوتی ١٧ی کانوونی یەکەمی ٢٠٢٤، دیوانی چاودێری دارایی هەرێمی کوردستان بە بەشداری بەرپرس و فەرمانبەرانی، یادی ئاڵای کوردستانی بە شێوەیەکی شایستە بەرز ڕاگرت. بەشداربووان بە جلی کوردی نەتەوەییەوە و بە هەڵکردنی ئاڵای کوردستان، ڕێزیان لەم ڕۆژە پیرۆزە گرت.
مێژووی ئەم ڕۆژە دەگەڕێتەوە بۆ ١٧ی کانوونی یەکەمی ساڵی ١٩٤٥، کاتێک لە مەیدانی چوارچرای شاری مەهاباد، پایتەختی کۆماری کوردستان و بە ئامادەبوونی پێشەوا قازی محەمەد، بۆ یەکەمجار ئاڵای کوردستان بە فەرمی هەڵکرا.
لە ساڵی ١٩٩٩، پەرلەمانی کوردستان بە دەرکردنی یاسایەک، شێوازی ئاڵا و چۆنیەتی مامەڵەکردن لەگەڵیدای بە فەرمی ڕێکخست. ئەم یادە هەر ساڵێک وەک نیشانەی یەکڕیزی و سەربەرزی نەتەوەی کورد بەرز ڕادەگیرێت و بووەتە هێمایەکی گرنگی شوناسی نەتەوەیی و یەکگرتوویی گەلی کورد لە هەموو پارچەکانی کوردستان.